أخصائي النسا والتوليد والحقن المجهري وجراحة المناظير وعلاج تأخر الإنجاب
رعاية متخصصة وتقنيات حديثة واهتمام شخصي بكل مرحلة، من أول تشخيص لحد ما تشيلي طفلك في إيدك.
د. أحمد سامي المغازي متخصص في أمراض النسا والتوليد، وعلاج تأخر الإنجاب والحقن المجهري، وجراحات المناظير. القرار عنده بيتبني على تشخيص واضح مش على الاستعجال، وكل حالة ليها خطة مخصوص ليها.
نهتم بكل تفاصيل صحتك ونرافقك في كل مرحلة، مع دعم نفسي وجسدي من فريق العيادة.
سونار حديث وجراحات بالمنظار بأقل تدخل، علشان الألم يقل وفترة التعافي تبقى أقصر.
سجل نجاحات في الحقن المجهري والجراحات الدقيقة، ومعلومات واضحة وشفافة لكل حالة.
نبدأ بتحديد السبب الحقيقي للتأخر عند الزوجة والزوج، وبعدها نختار الطريق المناسب لحالتك. مش شرط أبدًا يكون الحل حقن مجهري.
منظار البطن والمنظار الرحمي واستئصال الرحم بالمنظار، بألم أقل وتعافي أسرع.
اعرفي أكتر ←مش كل ورم محتاج عملية. نقيّم الحجم والأعراض ونختار الأنسب لحالتك.
اعرفي أكتر ←ضبط الهرمونات ومتابعة التبويض علشان الدورة تنتظم وفرص الحمل تزيد.
اعرفي أكتر ←تشخيص الألم الشديد مع الدورة وعلاجه، وتحسين فرص الحمل بعده.
اعرفي أكتر ←متابعة دقيقة طول الحمل، وولادة آمنة حتى في حالات المشيمة المتقدمة، مع إمكانية الولادة بدون ألم.
اعرفي أكتر ←للمقيمات برا مصر أو في محافظات بعيدة: مراجعة التحاليل والأشعة وخطة مبدئية للعلاج.
اعرفي أكتر ←باكدجات واضحة لأكتر الحالات اللي بنقابلها، علشان تعرفي هتبدأي منين.
التكلفة بتتحدد بعد الكشف وتقييم الحالة. اسألي عن التفاصيل عند الحجز.
حالات حقيقية من العيادة، بنشاركها علشان كل واحدة لسه مستنية تعرف إن في أمل.
جربت التنشيط ومناظير رحمية في أماكن تانية من غير نتيجة. بعد فحص كامل للزوجين اتشخصت تأخر حمل غير مفسر، وحملت من أول محاولة حقن مجهري، ولسه عندها أجنة مجمدة لأي محاولة جاية.
3 سنين تأخر وتنشيط متكرر. الأشعة بالصبغة كشفت انسداد في قناة فالوب، فعملنا منظار وشلنا الأنبوبة المتضررة، وحملت طبيعي بعدها بـ 6 أسابيع بس.
تابعنا الحمل لحد الولادة بسلام، واستأصلنا الأورام الليفية أثناء الولادة نفسها، مع الحفاظ على صحة الأم والبيبي.
نزيف مستمر سببه أكتر من ورم ليفي. بعد الرنين ودلالات الأورام للاطمئنان، استأصلنا الرحم بالمنظار، والنزيف انتهى والتعافي كان ممتاز.
الدكتور بيراجع تحاليلك وأشعتك، ويسمع منك الأعراض، ويحدد خطة مبدئية للعلاج، أو يجهزك لعملية لما ترجعي.
الحجز مسبق بالتليفون أو واتساب.
أكتر سؤال بنسمعه في العيادة. الإجابة بتعتمد على الحجم والأعراض وتأثيره على الحمل.
اقرئي المقال ←فشل الحقن المجهري بيسبب إحباط كبير، لكن معرفة السبب هي أول خطوة لمحاولة أنجح.
اقرئي المقال ←مش كل تأخر حمل معناه مشكلة، بس إمتى لازم نبدأ ندور على السبب؟
اقرئي المقال ←الحقن المجهري مش مضمون 100%، لكن نسب النجاح بتكون كويسة جدًا حسب الحالة. العوامل اللي بتفرق هي العمر، وجودة البويضات والحيوانات المنوية، والحالة الصحية العامة. بعد مراجعة التحاليل والتاريخ الطبي بنقدر نحدد فرصة النجاح في حالتك بشكل أقرب.
الفحوصات اللازمة لتحديد سبب تأخر الحمل، ثم تحضير الجسم بنصائح طبية محددة، وبعدها تحديد الموعد حسب الدورة الشهرية.
طبعًا. فشل المحاولة الأولى بيحصل كتير، وفي حالات كتير بننجح بعدها لما نعدل العلاج أو البروتوكول. الأهم نعرف السبب ونبني عليه خطة أفضل.
مش كل ورم ليفي محتاج تدخل جراحي. لو الحجم صغير ومفيش أعراض بنتابعه. لكن لو في نزيف أو ألم أو ضغط على المثانة، أو تأثير على الحمل، ساعتها العلاج بيكون ضروري.
في أغلب الحالات الأورام الليفية بتكون حميدة ومش بتتحول. لكن مهم نتابعها لأن حجمها ممكن يكبر أو تسبب أعراض زي النزيف أو الألم.
ممكن تأثر على الحمل، لكن ده مش معناه إن الحمل مستحيل. في حالات كتير بيحصل حمل بعد العلاج المناسب.
أيوه. تأخر الحمل ممكن يكون من الطرفين، وتحليل الزوج من أول خطوات التشخيص، وده بيوفر وقت كبير في العلاج.
التعافي عادةً بيكون أسرع من الجراحات التقليدية، وأغلب الحالات بترجع لحياتها الطبيعية خلال أيام قليلة.
املي البيانات وهتتفتح لك رسالة واتساب جاهزة للعيادة. فريق العيادة هيأكد معاكي المعاد.